«Навошта плаціць за сабаку, калі з ім нельга ў транспарт?» Беларусы абураюцца правіламі перавозкі жывёл

Беларусы ўсё часцей абураюцца правіламі перавозкі сабак у грамадскім транспарце. У сацсетках з’яўляюцца дзясяткі гісторый пра тое, як людзей не пускаюць у аўтобусы ці высаджваюць падчас паездкі ў гарадскім транспарце.

Чытайце таксама: На што ідуць падаткі? Жыхарка Кобрына абурылася адсутнасцю ў горадзе пляцоўкі для сабак

Каб разабрацца, як гэтыя нормы працуюць насамрэч і наколькі яны справядлівыя, BGmedia паразмаўляла з юрысткай праваабарончага цэнтра «Вясна» Святланай Галаўнёвай.

Што кажуць правілы Мінсктранса

Паводле дзеючых правілаў, перавозіць жывёл у грамадскім транспарце можна — але з істотнымі абмежаваннямі. Дробныя хатнія жывёлы, у тым ліку сабакі і каты, павінны знаходзіцца ў пераносцы, клетцы або сумцы з воданепранікальным дном. Фармальна яны лічацца ручной паклажжу. Гэта значыць, што нават маленькага сабаку нельга проста трымаць на руках — патрэбна спецыяльная пераноска.

Што да вялікіх сабак, то сітуацыя яшчэ складанейшая. Іх перавозка дапускаецца толькі са згоды перавозчыка і пры ўмове поўнага забеспячэння бяспекі пасажыраў. На практыцы гэта азначае, што трапіць з такім гадаванцам у грамадскі транспарт амаль немагчыма.

@365bel В Минске водитель автобуса запретил пассажирке проехать две остановки с собакой в наморднике. Как рассказала минчанка, ее питбулю нужно было сделать прививку в клинике, находящейся в двух остановках от дома. Из-за сильного мороза на улице она решила проехать на общественном транспорте. В автобус собака зашла в наморднике, хозяйка держала собаку на поводке, вдалеке от людей. По словам женщины, она пробила талончик, после чего к ней подбежал водитель и начал кричать, что автобус дальше не поедет — перевозить можно только маленьких собак в переноске. Правила «Минсктранса» это подтверждают. В Беларуси действует жесткая консервативная дискриминация собак: под эгидой «соблюдения санитарных норм» им запрещено находиться в общественном транспорте, магазинах и кофейнях вопреки общеевропейскому тренду dog friendly. #беларусь #животныебеларусь #собакибеларусь #новостибеларуси #минск ♬ original sound — 365bel

Што пра гэта кажа юрыстка

Як адзначае Святлана Галаўнёва, такія патрабаванні сапраўды прапісаныя ў правілах і фармальна іх трэба выконваць. Аднак яна лічыць гэтыя нормы занадта строгімі. З аднаго боку, абмежаванні тлумачацца клопатам пра бяспеку, чысціню і камфорт іншых пасажыраў. Але з іншага — яны фактычна пазбаўляюць многіх уладальнікаў сабак магчымасці карыстацца грамадскім транспартам.

Асабліва востра гэта адчуваецца ў выпадку з вялікімі жывёламі. Падыходных пераносак для іх практычна не існуе, ды і сам працэс перавозкі выглядае нерэалістычным. У выніку чалавек з сабакам, які не з’яўляецца павадыром, аказваецца ў сітуацыі, калі закон быццам бы дазваляе паездку, але фактычна робіць яе немагчымай.

Юрыстка таксама звяртае ўвагу, што правілы не ўлічваюць камфорт саміх жывёлаў. Для многіх сабак паездка ў пераносцы — гэта стрэс, у той час як значна спакайней яны адчуваюць сябе побач з гаспадаром на павадку. Але такі варыянт у беларускіх нормах не прадугледжаны.

Чытайце таксама: Ці трэба плаціць за праезд сабак у беларускіх аўтобусах? 

Як да сітуацыі ставяцца беларусы

У кантэксце абмеркавання правілаў перавозкі жывёлаў беларусы ўсё часцей адкрыта крытыкуюць існуючыя пастановы Мінсктранса ў каментарах у TikTok.

@dogtrener_polotsk♬ original sound — ria

У сацсетках гучаць пытанні, якія паўтараюцца нанова:

• «То бок падатак за сабаку заплаці, а ў транспарт з ёй нельга?».
• «У аўтобус нельга, у таксі нельга — а дзе тады можна?».
• «За што мы плацім, калі няма ні пляцовак, ні бясплатнай ветдапамогі?».

Некаторыя адзначаюць, што асабліва праблемнай сітуацыя становіцца, калі жывёлу трэба тэрмінова адвезці да ветэрынара.

Пры гэтым частка людзей падкрэслівае, што сабакі ў транспарце не заўсёды з’яўляюцца праблемай. Напрыклад, адзін з каментатараў, які працуе кіроўцам, напісаў: «Гэта найлепшыя пасажыры».

Як адзначае Святлана Галаўнёва для параўнання, у суседніх краінах — такіх як Польшча і Літва — правілы значна мякчэйшыя: «Там часта дастаткова павадка і намордніка, каб сабака магла ехаць разам з гаспадаром. І гэта не стварае істотных праблем для іншых пасажыраў».

Правілы з перавозкай сабак у Беларусі выглядаюць супярэчліва: з аднаго боку, правілы існуюць і абгрунтоўваюцца бяспекай. Але з іншага боку, людзі ўсё часцей лічаць іх несправядлівымі і адарванымі ад рэальнага жыцця. І пакуль яны не змяняюцца, канфлікты ў транспарце паміж кіроўцамі і пасажырамі рызыкуюць працягвацца.

Чытайце таксама: Падатак на сабак у Польшчы і Беларусі: што трэба ведаць уладальнікам

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро